Fandom

Wiki Código Lyoko

Nova orde

182páxinas
neste wiki
Adicione uma página
Conversa0 Compartilhar

Interferência de bloqueador de anúncios detectada!


A Wikia é um site grátis que ganha dinheiro com publicidade. Nós temos uma experiência modificada para leitores usando bloqueadores de anúncios

A Wikia não é acessível se você fez outras modificações. Remova o bloqueador de anúncios personalizado para que a página carregue como esperado.

Nova orde
Lyoko27.jpg
Título orixinal (francés) Nouvelle donne
Título en inglés New Order
Nº de episodio total 27
Tempada 2
Episodio na tempada 2x1
Data de lanzamento orixinal 31 de agosto do 2005
Tipo de episodio Ataque de XANA
Episodios de Código Lyoko
anterior
Intento frustrado
seguinte
Territorio inexplorado

Nova orde é o episodio 1 da tempada 2 e o episódio 27 da serie Código Lyoko. Estreouse o 31 de agosto do 2005 en Francia.

Argumento

O episodio empeza un tempo despois de descubrir a ligazón de Aelita coa supercomputadora e a imposibilidade de apagalo xa que se o fan Aelita morre. Jeremie traballou duro para atopar novas e mellores formas para loitar contra XANA, e na primeira escena aparecen Odd, Ulrich e Yumi no sector do deserto subidos nuns novos vehículos creados por Jeremie. Eles están a facer unha cursa para ver quen chega máis lonxe, e Odd perde porque cae. Entón descobren uns monstros de XANA novos, as tarántulas, que teñen máis puntos de vida que os outros monstros e rapidamente desvirtualizan aos Guerreiros de Lyoko, e Aelita corre a unha torre e Jeremie activa o código: Terra para materializala.

No laboratorio, Jeremie informa a Aelita que fixo un programa para detectar torres activadas automaticamente, e Aelita pasará a vivir en Kadic como interna. A escena pasa á academia, onde Jim insignia a Aelita a súa nova habitación (a que antes era de Taelia no episodio 10 A rapaza dos meus soños). Ela di que se chama Aelita Stones, é curmá de Odd e vén do norte. Jim dille aos outros que lle lembren as normas de Kadic, se é que se acordan dalgunha.

No patio, Ulrich está a pensar en que dicirlle a Yumi, pero aparece outro rapaz con ela. O seu nome é William Dunbar e el vén doutra escola, despois de ser expulsado dela.

A clase ten unha viaxe aos bosques próximos para ciencias, e Yumi vaise con el. Durante a excursión, Aelita e Jeremie van xuntos falando de cousas de computadores. Sissi di a Nicolas e Hervé que se se cren que son o señor e a señora Einstein, pola maneira de falar.

Durante a excursión, Jeremie vese obrigado a recuperar o seu computador portátil, deixando a Aelita no bosque. Dille a Aelita que non teña medo, que non haberá monstros como en Lyoko, e vaise. Mentres tanto, Ulrich está a espiar a Yumi, que está con William. Yumi lémbralle a William que foi expulsado por pegar carteis na súa anterior escola xa que se decatou, el dille que eran cartas de amor, e que o amor lle volve tolo.

Cando Jeremie se ha ir, Aelita empeza a ter unhas visións duns lobos, ela asústase e empeza a correr. Sen darse conta vai parar a unha casa coñecida como o Eremitorio, mentres que XANA activa unha torre. Jeremie avisa a Odd, Ulrich e Yumi. Odd estaba con Kiwi, Ulrich deixa a cámara e Yumi deixa abandonado a William. No Eremitorio, Aelita ten visións aínda máis, e nas súas visións aparece un home maior con lentes opacas tocando o piano. Ela segue correndo pola casa.

Unha vez que os outros chegan a buscar a Aelita, decátanse de que XANA posuíu a casa e utiliza todo o que contén para atacalos. XANA lanza mesas, cadeiras, pratos e cubertos… O tres atopan a Aelita nunha sauna no soto. XANA tenta atrapalos a todos dentro e fervelos, pero entón Odd impide pechar a porta, e só se escapan el e Aelita, co que XANA ten éxito capturando a Ulrich e Yumi.

Aelita e Odd van á fábrica, pero de súpeto Aelita dalgunha maneira sabe que hai unha porta que conduce aos sumidoiros. Odd sorpréndese. Eles dous chegan á fábrica, e Jeremie virtualízaos no sector do xeo para desactivar a torre antes de que Ulrich e Yumi sexan fervidos vivos.

Jeremie envía os vehículos: a Odd o Overboard e a Aelita o Overwing. No Eremitorio, Ulrich di a Yumi que se quite a camiseta, que non a mirará. E os dous quítanse a súa camiseta e ponse un de costas contra o outro. En Lyoko aparecen tarántulas, e perseguen a Aelita. Cando ela non ten escapatoria, Odd rapidamente destrúe a tarántula cunha frecha láser. Pero el queda sen frechas, e escóndese tras a torre. Jeremie recárgalle as frechas, e Aelita logra entrar na torre. Cando Ulrich e Yumi están a piques de morrer fervidos, Aelita desactiva a torre e Jeremie activa un regreso ao pasado.

A señora Hertz pon un 0 a Sissi pola elaboración dunha flor da floraría da cidade, e Jeremie regálalle un móbil rosa a Aelita para que sempre estea en contacto con eles.

Galería

Sucesión de episodios

Episodio anterior Episodio actual Episodio seguinte
26: Intento frustrado 27: Nova orde 28: Territorio inexplorado

En torno á rede de Wikia

Wiki ao chou